أوله: بسم الله الرحمن الرحيم. حمد بی نهايت، وثناء بی غايت اول پادشاه كم هر يردلمشك وجودي آنك عطاسي نتيجسی در. وهر موجودك قوامي آنك وجودنه حمد ثنا اتمكلكدر. وإن من شيء إلا يسبح بحمده ولكن لاتفقهون تسبیحهم، اول سلطان بی همتا که غریب صنعتدن وعجیب حکمتدن کرم قلمیله نفوس نقشلرنی عدم صحیفه سنك اوزرینه ثبت اتدی... اما بعد بلکم اي عزیز قرنداشلرم و اي تقواده معاونلرم حق تعالی سزه توفیق ویرسون ترقي ایتمکله بشریت الچغلغندن عبودیت یجالکنه و دخی روزي قلسون...اکرچه جوق کتابلر تألیف ایلدیلر، شویلکه بعض عربي و بعض عجمي دلنده. اما اول طالبلر که عربیده ذاهل و هم عجمیده قاصردر اول کتابلرک استفادسندن کندولری بی خبر اولوب معانیسینه مطلع اولمزلر مکر بو کمسدن استماع ایده لر. پس اول وقت فائده دوتر لا جرم بویله اولیجق بو ضعیف فقیر قاسم بن محمود آق حصاریدر دلدیکه بو ایکی دلده بر کتاب بولا که مشایخ محققین بیان ایلدیکی سلوک انده مذکور اولا تا که بو طالبلرک دردلری جراحته مرهم اولا و هم کندونک اول قدر مایه سی و سرمایه سی یوغدیکه مستقل بر کتاب تألیف ایدوب سلوکی انده بیان ایلیه... شیخ وقت نجم الملت والحق والدین الرازي قدس الله روحه و سره المقدس باسراره ونور قلوبنا بشموس عرفانه وآثاره بو بابده اول جکری سوخته دردمند مستمندلره چون مرصاد العباد کتابنده مخلوقاتک بداینی مبدأندن تا نهایتی معادنه دکین سیر سلوك بیان ایتمش... پس فهمم ایردوکی مقداری حق سبحانه وتعالی حضرتلرینه إلتجا ایدوب و شیخك پاك منور روحندن استمداد ایتمکله بو کتابی پاریسی کسوتندن چقروب ترکی لساننه قویدم...